عبّرت الممثلة المصرية هيدي كرم عن حزنها الكبير لوفاة كلبتها، اذ نشرت صورة لها برفقتها على صفحتها الخاصة، وعلّقت قائلة: "النهارده ودعت جزء كبير من ذكرياتي معاكي وأنا بودعك.
. عيشتي معايا 13 سنة من ساعة ما كان عمرك 4 شهور ولغاية آخر يوم في عمرك.. لما دخلتي حياتنا كانت أسرتي الصغيرة المكونة من ابني وأنا بتمر بظروف صعبة جدا.. ومن يوم ما جيتي جبتي معاكي طاقة حب وحنان ما تتوصفش".
وأضافت: " كنتى دايماً مصدر فرحة وراحة.. طاعتك العمياء في كل شيء وحبك غير المشروط كان بيبهرني ويبهر كل اللي يعرفك.. عزلنا وغيرنا بيوت كتير وكنتي أول واحدة تتأقلم بدون عناء ولا مجهود مننا علشان ما تتعبيناش.. لما كنتي بتشوفيني زعلانة كانت عنيكي بتنطق ونظراتك بتطبطب عليا.. أحن وأطيب مخلوقة عرفتها.. حبيتك من كل قلبي واتعلمت منك معنى الطيبة والعطاء والحنان.. هتوحشيني أوي يا ليلى يا كلبتي وبنتي وصاحبتي".
